福利何來？
- 愛澳之人
- 5月18日
- 讀畢需時 2 分鐘
已更新：6月24日
小城現金分享十八載。無論是否在當地常居，持有永久居民身份者皆有一萬，非永久居民者亦有六千。另外，新推出「 育兒津貼 」計劃，向未滿三歲嘅嬰幼兒，每月派發一千五百元。另外還有「 出生津貼 」、「 結婚津貼 」、「 殘疾金 」、「 醫療券 」、「 敬老金 」等福利。
喺他人眼中，小城福利真係好好，居民收錢收到手軟；加上小城稅種少，稅率輕。打工仔稅務負擔唔重，每每交稅後，政府亦有安排退回部份稅金。此等制度如此惠澤社群，何解小城內仍有居民憂心忡忡？
福利何來，小城居民心知肚明；是否足以安居樂業？真係談何容易……
愛爾蘭出名稅重。購物稅、煙酒稅、糖稅、進口稅、地稅、行車稅等等，打工仔搵得越多，交稅就越多。當然，愛爾蘭亦有不少福利。但福利何來？當然係窮人羊毛出自富人羊身上。
咁到底係喺外國做窮人好？
定係喺小城做「乖孩子」好？
人生只求平安快樂。
你覺得邊度好，就係邊度好。
*** 現金分享後記 ***
現金分享計劃忽然改制，規定居民需要身處當地至少有 183 日（ 或符合資格者 ），先至有權繼續分錢。
移居外地嘅人當然係冇得分。
會唔會覺得蝕咗？
當然係 No 啦。
因為離開嘅價值，
遠遠勝於萬圓嘅吸引力。
現金分享，
溫水煮蛙，
待水煮滾，
衆蛙熟透，
想再回天已無力，
小城一去不復返。
留言